Mostrando entradas con la etiqueta Errezeta. Mostrar todas las entradas
Mostrando entradas con la etiqueta Errezeta. Mostrar todas las entradas

domingo, 5 de mayo de 2013

ERREZETA: BARATXURI SOPA


OSAGAIAK:

·       10 baratxuri ale
·       Aurreko eguneko ogi 1
·       Urdaiazpiko 100 gr
·       Piperrauts koilarakada 1
·       Oilasko salda litro 1
·       4 arrautza
·       Oliba olioa
·       Gatza




EGITEKO ERA:

Zartagin batean baratxuria eta urdaiazpikoa gorritu oliotan. Bitartean, ogia moztu eta gero, piperrautsarekin batera gehitu. Dana nahastutakoan, oilasko salda bota, gatza gehitu eta ordu erdi bat inguru utzi egosten. Sutik kendu. Zerbitzatu aurretik arrautzak gehitu eta irabiatu.

On egin!!

ERREZETA: BABAK ARROZAREKIN

BABAK ARROZAREKIN

 




OSAGAIAK (4 lagunentzat):

  • Kilo bat baba  
  • Kipula bat 
  • Tomate bat
  • 200 gramo arroz
  • Oliba olioa
  • Gatza


EGITEKO ERA:


  • Kipula txikitu eta oliotan gorritu.
  • Bota tomatea, azala kenduta, txiki-txiki eginda eta babak. Hau eduki egiten 10 bat minutuan.
  • Gero bota arroza eta gatza, eta nahastau.
  • Bota litro bete ur (gutxi gorabehera) eta 30 minutuan irakin dezala.
  • Eduki bost bat minutuan tapatuta.


…ETA ON EGIN !!!!

ERREZETA: ENTSALADA LETXUGAREKIN




OSAGAIAK: (4 lagunentzat)

·       Letxuga
·       Patata egosiak (laguneko bana)
·       2 arrautza egosi
·       Aguakate erdia
·       Gatza
·       Oliba olioa
·       Ozpina

EGITEKO ERA:

1.   Garbitu letxuga eta, ura kenduta, jarri erretilu batean zabalduta.

2. Hartu arrautza egosiak, eta banandu gorringo eta zuringoak. Zuringoak zati txikitan txikitu. Gorringoak, berriz, geroko gorde.

3.  Zuringoa nahiz patata egosi txikitua letxugaren gainean jarri. Aguakate xerrak ere bai.

4. Gatza, olioa eta ozpina gaineratu.

5. Amaitzeko pure-egitekoaren laguntzaz arrautza gorringoak birrinduta gainetik jarri. Ukitu polita emango dio.


… ETA ON EGIN !!!

ERREZETA: BABARRUNAK, AZA ETA GUZTI


OSAGAIAK (6 lagunentzat)

-1 kg. babarrun.
- Txorizo zati batzuk.
- Tipula bat.
- 4 koilarakada oliba olio.
- 4 baratxuri atal.
- 2 odoloste.
- Aza erdia.
- Pipermin berdeak.
- Gatza


EGITEKO ERA:

1. Ur hotzaz betetako lapiko batean, indabak, 2 koilarakada olio eta xehatutako tipula erdia eta bi baratxuri atal jartzen dira; su gutxiko egosketan mantenduz.


2. Egozten doan bitartean, ur hotza botatzen zaio, indabak samurtzen eta salda loditzen den arte. 


3. Geratzen zaizkigun baratxuri eta tipula erdiarekin, olio-erreia bat egiten dugu.


4. Indabak egosten diren bitartean, aurrez xehatutako aza egosten jartzen dugu eta egosketaren erdialdean odolosteak eta txorizoa gaineratzen dizkiogu. Egosita dagoenean xukatu eta oliba olioarekin egindako olio-erreia eransten diogu.


…ETA ON EGIN !!!!






ERREZETA: Pipaz egindako makiltxo kurruskariak


Pipaz egindako makiltxo kurruskariak




OSAGAIAK:
·       80 gr ur
·       60gr oliba olio
·       200 gr hirin
·       8 gr gatz
·       16 gr Legamia
·       120 gr ekilorearen pipa zurituta


EGITEKO ERA:

-       Ipini ura eta olioa bol batean eta ondo nahastu
-       Gehitu irina, legamia eta gatza. Berriro ondo nahastu orea lortu arte.
-       Atera orea boletik. Oratu eta gero, arrabolaz zabaldu orea. Oso fina gelditu behar da.
-       Ondoren bota pipak orearen gainean eta pasatu arrabola pipak oreari ondo itsatsita gelditzeko.
-       Labanarekin orea moztu ore-zerrendak lortzeko. Ipini labeko erretilu gainean landare-papera eta horren gainean orea zatituta.
-       Utzi orea harrotzen 30 minutu. Piztu labea eta 200ª tan egongo denean sartu orea eta utzi egiten 10 minututan gutxi gorabehera, urre kolorea lortu arte


On egin!!

ERREZETAK: TOMATE ETA URDAIAZPIKO OGITARTEKOA




OSAGAIAK:

- Ogia.
- Urdaiazpiko zerrak.
- Tomatea.
- Olioa.
- Gatza.





EGITEKO ERA:

1. Zabaldu ogia erditik, ogitartekoak egiteko eran.
2. Moztu tomatea erditik eta igurtzi ogian barnealde guztian banatuz.
3. Bota gatza eta olio apur bat.
4. Jarri urdaiazpiko zerrak ogian, itxi ogitartekoa…


…ETA ON EGIN !!!

ERREZETA: GERNIKAKO PIPER FRIJITUAK




OSAGAIAK:

•
Gernikako piperrak
• Oliba olioa
• Gatza







EGITEKO ERA:

Piperrak garbitu uretan eta xukatu zapi batekin. Oliba olioa ugari duen zartagin bat jarri su bizian, gutxienez bi hazbeteraino irits dadila zartaginean. Olioa oso bero dagoela ikusten dugunean, baina kea dariola jarri gabe inola ere, bota piperak, oliotan ondroso egoteko moduan, eta behar izanez gero bi edo hiru txandatan frijitu. Kontu handiz jiratu bitsadera batekin, eta 20 segundo baino gehiago ez utzi egiten. Sartzea hutsa aski da, eta airoso atera behar dira xukapaper batera. Kontuz zipriztin eta erredurekin.
Denak frijitutakoan, gatza eman, eta mahaira, hoztu baino lehen. Ez daitezela sekula gorritu, tonu berde polit bat izan behar dute, eta hozka egiterakoan tente samar egon, baratza gustua galdu gabe.

On egin!!


ERREZETA: PORRUSALDA



OSAGAIAK:

• 250 gramo zuritu eta ebakitako patata
• 150 gramo bakailao
• 250 gramo porru
• 2 koilarakada oliba-olioa
• Perrexila







EGITEKO ERA:

Aurreko egunean bakailaoa gatzgabetzen da ura lau aldiz aldatuz. Gatzgabeturiko bakailaoa uretan egosten da 10 bat minutuz. Bakailaoa erretiratu eta ur berean dadotan ebakitako patatak eta trontzo finetan ebakitako porruak egosten dira. Bakailaoa mamitzen da arantzak eta azala kenduz. Patatak samurrak eta zuku pixka batekin daudenean mamituriko bakailaoa erantsi eta azkeneko irakin bat ematen zaio. Salda pixka batekin zerbitzatzen da, guztia olioarekin zipriztinduz eta perrexilarekin apainduz.

On egin!!


ERREZETA: ENTSALADA ERREFAUTXOEKIN


OSAGAIAK:

• Errefautxoak
• Tomatea
• Letxuga
• Arrautza egosita
• Fruitu lehorrak (intxaurrak, almendrak, …)
• Olioa, ozpina eta gatza






EGITEKO ERA:

Garbitu eta egosi arrautza. Zuritu eta kubotxotan moztu. Garbitu eta zuritu tomatea. Kubotxotan moztu. Beste aldetik garbitu letxuga hostoak eta “juliana” eran moztu. 
Nahastu guztia errefautxoekin eta fruitu lehorrekin. Ondoren bota olioa, ozpina eta gatza. Atuna, sardinak kontserban, oilasko egosia gehituz gero bigarren plater freskagarri bat lortzen dugu. 

On egin!!

ERREZETA: AZENARIO BOLAK


OSAGAIAK:


·       6 azenario. 
·       200 gr azukre. 
·       500 gr koko birrindua.





EGITEKO ERA:

1.   Azenarioak uretan egosi. Egosita daudenean ontzi batera atera eta soberan daukagun ura kendu.

2. Sardexka batekin ondo-ondo zanpatu azenarioa.


3. Azukrea bota eta ondo-ondo nahastu


4. Daukagun koko erdia bota eta ondo nahastu, ondoren pilotatxoak egin, kroketak bezala.


5. Koko birrindutik pasa eta plater baten jarri bola guztiak.


6. Egindakoan hozkailuan sartu.



… ETA ON EGIN !!!



ERREZETA: ILARRAK URDAIAZPIKOAREKIN


ILARRAK URDAIAZPIKOAREKIN



OSAGAIAK

·      200 gm. ilarra lagun bakoitzeko.

·      125 cl  oliba olioa.

·      Baratxuriak.

·      Urdaiazpiko zerra lodi bat.


EGITEKO ERA:

·      Lapiko batera ura bota eta berotu. Bero izango denean bota ilarrak eta utzi egozten minutu batzuk. Ondoren atera eta jarri ur freskoan.

·      Gero zartagin batean jarri olioa berotzen eta bota baratxuriak laminatuta. Urre kolorea hartzen hasiko direnean erantzi pernila zatituta eta buelta batzuk eman. Ondoren atera.

·      Jarraian olio horretan sartu ilarrak  eta kontu handiz bueltak eman egurrezko koilara batekin.

·      Ondoren gehitu baratxuriak eta urdaiazpikoa eta badaude prest jateko.


GOMENDIOAK:
·      Badakizu,  proteina gehiago izateko erantzi arroza egosia. Ummm ze goxoa!


ON EGIN !!!!